طريقه عمل المعجون البلدى حماده البدرى
بسم الله الرحمن الرحيم
السلام عليكم :
سنوافيكم اليوم بشرح وافى عن طريقه عمل المعجونه البلدى لشغل الحوائط او شغل الخشب فى الدوكو او الاكيه:
مبدئيا المعجون البلدى يختلف فى عمله من الحوائط ومن الخشب ويختلف أيضا فى السكينه الاولى عن السكينه التانيه والتالته بالنسبه للحوائط ان شاءالله هنشرح الفرق بينهم كلهم.
انا هشرح طريقتى الخاصه فى المعجون البلدى هتلاقى طرق كتير او طرق مختلفه بس الشرح حاليا بطريقتى الخاصه
المكونات
1/غراء حمص
2/ زنك عالى الجوده
3 / كربونات كالسيوم او ما يسمى باسبداج
4/ زيت مغلى عالى الجوده
طريقه العمل لعمل بستله معجون للحوائط فى السكينه الاولى :
الشرح
- تخمير الغراء من قبل العمل بيوم او على الاقل 5 ساعات معنى التخمير اننا بنضع الغراء فى علبه بها ماء طبعا انت لو هتعمل شغل كتير بتجيب غراء بالكميه المطلوبه لشغلك.
- وبنضع الغراء فى علبه صفيح تصلح للوضع فى ماء ساخن او مغلى ونثقب فوق الغراء الماء وتكون نسبه الغراء مرتفعه عن الغراء بحوالى 2 سم ونتركه للتخمير لتانى يوم ثم بعد ذلك نحضر علبه صفيح اكبر من العلبه الى مخمرين فيها الغراء ونضع فيها ماء ونضعها على النار ونتركها تسخن جيدا او تغلى ثم نخفض النار خالص نخليها حاجه بسيطه خالص ثم نضع العلبه التى بها الغراء فى منتصف الماء ونقوم بالتقليب فى الغراء حتى يذوب تماما ونطفى النار ونتركه داخل الماء.
- وبعد ذلك نقوم بتحضير البستله التى سنقوم بعمل المعجون بها ونضع فيها ماء بمقدار 4 لتر ماء
- ثم نقوم بوضع نصف كيلو زيت مغلى او اقل المهم تحفظ الكميه التى قمت بوضعها ولا تذيد عن نصف كيلو فى السكينه الاولى .
- ونضع مقدار 2 كيلو زنك ونقوم بالتقليب جيدا بالايدى او خلاط كهربائى ثم نضيف الاسبداج كميه قليله ونقوم بالتقليب وهكذا حتى تصبح المعحونه متماسكه جدا جدا خصوصا فى السكينه الاولى شد فيها بقدر المستطاع وبتحكم ان كل المكونات دابت تماما.
- ثم بعد ذلك نقوم بتحضير قطعة من القماش تكون تصلح لتصفية الغراء وكميه الغراء هنا لازم يكون معاك ليها مقدار علبه او ماشابه تكون لا تقل عن لتر ونصف وتملاها غراء مصفى وتضع كميه قليله على المعجون وتقلب وتكرر حتى قوام المعجون يتناسب مع الشغل ولا تضع كميه كبيره من الغراء ضع قليلا وقلب وهكذا وحاول ان تاخد اكبر قدر ممكن من الغراء واحفظ جيدا كم اخذت فى البستله .
- واحرص ان لا تقل عن لتر وان ذادت افضل فى السكينه الاولى واحفظ الكميه بالضبط وكده هيكون معاك معجونه بلدى محترمه تخدم بيها شغلك تمام وهتكون لينه معاك فى السحب وشديده طيب ده بالنسبه للسكينه الاولى اما بقى السكينه التانيه بنرفع نسبه الزنك بمقدار نصف كيلو ونرفع الزيت المغلى بنسبه ربع الكميه الى ضفتها فى السكينه الاولى تذيد ربع الكميه ونقلل الغراء الغراء وركز نقلل الغراء بنسبه بسيطه عن السكينه الاولى لان دايما لازم القوى يشيل الاضعف منه كده تضمن عدم الفروله فى الشغل وعمر اطول لشغلك.
- وتكرر نفس الكلام فى السكينه الثالثه ترفع نسبه الزنك ونرفع نسبه الزيت المغلى ونقلل نسبه الغراء عن الثانيه وهكذا ان كان فى سكينه رابعه .
- الخشب بقى برنفع الزنك شويه ونرفع الزيت ونذود نسبه الغراء لانك فى الخشب هتسحب الشغل كله بنفس المعجونه ومحتاج معجونه شديده تملى معاك وتعيش فى الخبطات وكده نكون شرحتا لحضراتكم المعجونه البلدى بطريقتى الخاصه وان كان فى نقص او تعديل .
نسمع مقترحاتكم ولا تنسونا من صالح دعائكم
اخوكم حماده البدرى
ليست هناك تعليقات