أنواع المعجون فى الدهانات للمعلم هشام محمد 34 نوع معجون

بسم الله الرحمن الرحيم

34 نوع معجون نتعرف عليهم من خلال شرح المعلم هشام محمد

1. المعجون البلدى المصرى : معروف للجميع ..مكوناتة زنك واسبيداج وزيت مغلى وغراء وهو يصلح لتأسيس الحوائط وشغل الاخشاب بنسب معينة يعرفها الجميع ...
2.  المعجون البلدى الخليجى : مكوناتة سيلر مائى ( بندر ) وزيت نيى وزنك واسبيداج وهو يتحمل اعلى درجات الحرارة الطبيعية لذلك منتشر بدول الخليج ..
3.  المعجون الجبسى : هو عبارة عن بودرة تخلط بالماء او السيلر المائى وهو يصلح لشغل الجبسمبورد واسقف الجبس المصيص ولا يفضل استخدامة فى الحوائط بسبب ضعفة ..
4. . المعجون الاسمنتى : عبارة عن بودرة تخلط بالماء او الاديبوند او السيلر المائى وهو يصلح لحوائط التخشين السيئة ويمكن التربية بية
5.  المعجون الجيلاتينى : عبارة عن غراء الواح مخمرة فى المياة ونقوم بشحمها بالاسبيداج والزنك وقليل من الزيت ولا يجب التربية بها على الحوائط ويفضل استخدامها فى السكينة التالتة .
6.  معجون السنس : هو الغش التجارى للمعجون البلدى والهدف منه توفير فى كميات الزيت والزنك ..وهو عبارة عن تدوير دقيق الخبز فى مياة دافئة وبعد ما تبرد يضاف لها اسبيداج وقليل من الزنك
7.  معجون البلاسك : معروف للجميع وهو معجون جاهز لشغل الحوائط ولا يجب التربية به ويوجد منه الاقتصادى و عالى الجودة ..
8.  معجون الاكريلك : هو معجون لاتكس اكريلك مائى وهو معجونه جاهزة عالية الجودة واعلى واقوى من معجونة البلاستك وخاصة بالحوائط ...
9.  المعجون الفرنساوى : عبارة عن زيت مغلى وزنك واسبيداج ويفضل استخدامة فى الحوائط المعرضة مباشرة للشمس ..والبعض بيطلق اسم معجون فرنساوى على معجونة الورنيش ...
10. المعجون الحجارى : عبارة عن غراء واسبيداج وهو معجون ديكورى لعمل اشكال ديكورية على الحوائط وكان معرف قبل ظهور مادة الروشن ويؤدى نفس اشكال شغل الروشن ...
11.  معجون الفرشة : عبارة عن غراء واسبيداج هبو وهو خفيف اى لا يسحب بالسكاكين بل يدهن بالفرشة فقط وهو مخصص لشغل الموبيليا لتنعيم الحليات والاويما واى دورانت بالاخشاب ...
12.  معجونة الورنيش : عبارة عن ورنيش زيتى وقليل من الماء واسبيداج هبو وزنك وهى مخصصة لشغل الاخشاب والموبيليا ...
13.  معجونة السيناتون : عبارة عن سيناتون وقليل من الماء واسبيداج هبو وزنك وهى مخصصة لشغل الاخشاب والموبيليا ...
14.  معجونة الاكية : عبارة عن لاكية وقليل من الماء واسبيداج هبو وزنك وهى مخصصة لشغل الموبيليا والاكية المغسول ...
15.  المعجونة الحمراء : عبارة عن برايمر وقليل من الماء واسبيداج هبو وزنك وهى مخصصة لشغل اللموبيليا فى الاكية المغسول والدوكو وهذة المعجونة كانت منتشرة قبل ظهور معجون الاستوك ...
16.  معجون الاستوك : معروف للجميع وهو معجون جاهز ومعة انبوبة مصلب وهو يصلح لشغل الموبيليا والسيارات الدوكو ...
17.  معجون الدوكو : هو معجون جاهز لشغل الدوكو اخشاب او صاج او حديد ويمكن خفة بالتنر ورشة بالمسدس كبديل للفيلر او السيرفسر ...
18.  معجون الحديد : مكون من مادتين راتنج ومصلب وهو لحام ايبوكسى بارد وغير قابل للانكماش ومقاوم للحرارة والمواد الكيميائية ...
19.  معجون الاندويل : هو الاسم الاكاديمى للمعجون البلدى ولكن بعض الورش تستخدمة بدون اضافة زيت مغلى يعنى غراء وزنك واسبيداج فقط ويستخدم فى شغل الموبيليا ...
20.  معجون الفايبر : احد انواع معاجين الايبوكسى وهو عبارة عن راتنج ومصلب ( زى معجون الاستوك ) ويصلح لاى خامة مصنعة من مادة الفايبر مثل اكصدامات السيارات ...
21.  معجون الايبوكسى : عبارة عن مادة تسمى كوارتز تضاف الى دهان الايبوكسى الشفاف وتقلب جيدا وتستخدم فى ترميم الخرسانات وتجهيز الارضيات المراد دهانها بمادة الايبوكسى ..
22.  معجون الديو فكس : معجونة جاهزة عبارة عن بودرة تخلط بالماء وهى قوية جدا ومخصصة لعلاج اى شروخ بالحوائط مهما كان اتساعها ( غير موجودة بمصر ) ..
23.  المعجون المكسيكى : هو معجون جاهز شبيه بالمعجون الحجارى وهو مخصص لشغل الديكورى وعمل لوحات بارزة على الحائط ..
24.  معجون السيلر النترو : هو نفسة السيلر النترو الجاهز ويتم سحبة على الاخشاب بالصلبة لعمل لحمية وطبقة زجاجية مثل البوليستر على الاخشاب ...
25.  معجون الباركية : عبارة عن نشارة ناعمة من نفس نوع خشب الباركية ويضاف اليه غراء حمص وهو مخصص لملء الثقوب والفراغات بالباركية ..
26.  معجون بست وود : معجونة جاهزة لشغل الاستر والباركية وهى مصنعة من كل انواع والوان الخشب بمعنى لو شغال فى خشب ارو يوجد نفس لون الارو وهى عبارة عن نشارة ناعمة جدا من نوع الخشب مضاف اليها غراء كيميائى ( غير موجودة بمصر ) ..
27.  معجون الرابسون : عبارة عن اسبيداج فلتر مخصوص يتم خلطة بمادة الرابسون المطاطى وتستخدم فى تأسيس الحوائط المعرضة لمختلف العوامل الجوية من حرارة وامطار وبخار البحار ..وهى اغلى معجونة بالعالم وهى المعجونة الوحيدة التى لا تقبل اى نوع او طريقة صنفرة لانها مطاطية ( غير موجودة بمصر ) ..
28.  معجون ون تايم : معجون امريكى جاهز لعلاج الشروخ ..عبارة عن مادة هشة من الفوم يصلح لعلاج الشروخ الرفيعة والبعيدة عن الاحتكاك المباشر ...
29.  معجون ون تاتش : معجون انجليزى جاهز لعلاج الشروخ وشبيه بمعجون ون تايم الامريكى ( غير موجود بمصر ) ...
30.  معجون كيم كراك : معجون جاهز لعلاج الشروخ والتنميلوالفواصل والفوارق الموجودة بين البرور والحائط وهو مصنع من راتنجات الاكريلك المائى ويتحمل الصدمات لانة معجون مطاطى ...
31.  معجون سيتوكس اتش : معجون جاهز اكريلك برمله ناعمة ويصلح لعلاج الشروخ والتنميل ولزق السيراميك ..
32.  معجون كونفيس تو اف : معجون جاهز لعلاج الشروخ الخرسانية ..
33.  معجون استوك انتيك : معجون رخوى جاهز مصنع لشغل الاستوك انتيك وعمل تقطيع اشكال ديكورية .
34.  معجون الاستر : عبارة عن غراء واسبيداج والوان اكاسيد وهو يصلح لشغل الاستر ...               أخوكم حماده البدري