طريقة عمل الكراكليه المائى حماده البدرى

بســـــــم اللــــه الرحمــــــن الرحيـــــــم 

الســـلام عليكـم ورحمــة الله وبركاتــــه :

 الكراكليه المائى من الديكورات الجميلة ويعتـــــــــمد على

 اولاً اختيار الالوان ثم طريقة الرمى للكراكليه وللبلاستيك 

                            ✌ الشـــــــــــــــــــــــــــــــــــرح ✌

الخطــــــــــــــــــوة الاولى:

خدمة الكرنيشه شيئ أساسى من تلقيط وصنفره وتظبيط سوك واعطاء وجه او وجهين بلاستيك مط خامة عالية ويفضل يكون رش علشان رايش الفرشه ويعمل لحميه كويسه 
ثم اختيار اللون المراد فى السقوق واعطاء وجهين منه للكرنيشه ويكون نصف لامع او ربع لامع 
ثم اعطاء وجه من الكراكليه المائى والكراكليه عباره عن ماده شفافه لزجه وتستعمل بدون تخفيف وترمى بمقدار موحد للشغل يعنى واحد فقط الى يعمله علشان يوحد رميته فى الكرنيشه كلها ويفضل تخليك وسط ولا ترمى كتير قوى ولا تنشف عليها وكل كراكليه ليه مده جفاف معينه متعاملش كل الشركات نفس المعامله طيب اذاى اعرف انه جاهز للشغل فوقه ببتدى بصباعى والمس الكرنيشه ان دانى تكه بسيطه كده ذى تكه لزق التب اعرف انه جاهز للشغل وماتستعجلش عليه لانك لو استعجلت بيريح معاك وتلاقى مناطق ساحت فى بعضها


الخطــــــــــــــوة الثانية: 

هى رش البلاستيك المط ايوه رش انا بفضل ارشه علشان توحيد الشقوق باتجاه معاكس وتخلى البلاستيك شحم وترش بمعدل واحد وغير منتظم علشان الشقوق تختلف توزيعتها وتكون سريع ورميتك موحده وممكن تشتغل البلاستيك بفرشه اكسات عادى المهم توخد رميتك وللعلم لو البلاستيك المط تقل وكان شحم الشقوق تبقى كبيره وان خف وقل الشقوق تبقى صغيرة خليك فى الوسط افضل هيبتدى يديك الشكل الى فى الصور وبعد الجفاف يفضل إعطاء وجه ورنيش مائى للحفاظ واللمعه وظهو الشقوق من على بعد واى سؤال او تعديل نسمعه من حضراتكم واسف غلى الاطاله 

            ☺اخوكــــــم حماده البدرى .نســــــألكم الدعـــــــــاء☺ .